சூப்பர் முஸ்லிம் - ஒரு பார்வை (Part -9)

சூப்பர் முஸ்லிம்...

கையில் ஸ்மார்ட் போன் வைத்திருக்கும் முஸ்லிம்களுக்கு சமீபத்தில் பரிட்சியமான பெயர் இது. 

சூப்பர் முஸ்லிம் என்ற பெயரில் சுமார் ஒரு வருடத்திற்கு முன்பு ஒரு யுடியூப் சேனல் (Youtube channel) தொடங்கப்பட்டிருக்கிறது. 

பொதுவாக யுடியூப் சேனல் நடத்துவது அவ்வளவு எளிதல்ல. அதை மக்களிடம் பிரபல்யப்படுத்துவது சாதாரணமான விஷயமல்ல. ஆனால், தொடங்கிய குறுகிய காலத்திலேயே சூப்பர் முஸ்லிம் சேனல் அதிகப்படியான பயனாளர்களை தன்னுடன் இனைத்துக்கொண்டுள்ளது. 

உன்னுடைய கொள்கை சூப்பரா? என்னுடைய கொள்கை சூப்பரா? என்ற பட்டிமன்றத்தை நடத்திய கொள்கைவாதிகள் ஒருகட்டத்தில் சோர்ந்துபோய் ஓய்ந்திருந்த நேரத்தில்தான் "சூப்பர் முஸ்லிம்"  யுடியூப் சேனல் வெளிவந்தது. 

தொழுகை, ஜக்காத், ஹதீஸ்கலை, பிறை மற்றும் சூனியம் என பல விஷயங்களையும் பிரித்து மேய்ந்துவிட்டு தவ்ஹீத்வாதிகள் மற்றும் ஸலபுகள் ஓய்வாக இருந்த நேரம் அது. 

தவ்ஹீத் ஜமாத் மூன்றாக பிரிந்து அவர்களுக்குள் நிகழ்ந்த கொடுக்கல் வாங்கல் தகறாறுகள் தளர்ந்து அமைதியான நேரம் அது. 

பழைய விஷயங்கள் அனைத்தும் புளித்துப்போய் போரடித்து இருந்த நேரத்தில்தான் புது விஷயமாக சூப்பர் முஸ்லிம் சேனல் வெளிவந்தது. 

சூப்பர் மேன் எனும் காமிக்ஸ் கதையில் வரும் "S" என்ற லோகோவை  (Logo) பயன்படுத்தி சூப்பர் முஸ்லிம் சேனல் அதிரடியைக் கிளப்பியது. 

கியாமத்நாளின் அடையாளம் என்று சொல்லப்படும் யஃஜூஜ் மஃஜூஜ் எனும் கூட்டத்தார் கியாமத்நாளின் நெருக்கத்தில் வருவார்கள் என்று முஸ்லிம்கள் நம்பியிருந்த நிலையில், அந்த கூட்டத்தார் ஏற்கனவே வந்துவிட்டார்கள் எனவும் இன்னும் சில ஆண்டுகளில் உலகம் அழிந்துவிடும் என்றும் ஒரு நெருப்பை பற்றவைத்தது அந்த சேனல். 

அவ்ளோதான், புது விஷயத்துக்காக காத்திருந்த இனைய முஸ்லிம்களுக்கு உற்சாகம் பீறிட்டது. அந்த புது மேட்டரை லைக் செய்ய ஆரம்பித்தனர். இன்னும் மேட்டரை தெரிந்து கொள்வதற்காக அந்த யுடியூப் சேனலையும் சப்ஸ்கிரைப் செய்தனர். குறுகிய காலத்திலேயே அந்த சேனல் பனிரெண்டாயிரம் பயனாளர்களை கடந்தது. 

இந்த நிலையில்தான், தமிழகத்தின் ஏகத்துவ ஜோதியில் முக்கிய பங்காற்றி, சொல்வதற்கே வாய் கூசும் குற்றச்சாட்டை ஏற்றுக்கொண்டு, பின்னாளில் அதை மறுத்து தன்னிடம் விவாதிக்க எவரும் உண்டா என்று விவாதமேடைக்கு ஆள் தேடிக்கொண்டிருந்த புரட்சி நாயகரின் பார்வையில் பட்டது சூப்பர் முஸ்லிம் சேனல். 

அவருக்கு அது சப்பையான மேட்டர்தான் என்றாலும் அதையே வைத்து சூப்பர்ஸ்டார் பட்டத்தை தக்கவைத்துக் கொள்ளும் நோக்கில் சூப்பர் முஸ்லிம் சேனல் தீண்டப்பட்டது. அதன் விளைவாக சேனலின் ரசிகர்கள் அதிகமாகினர். 

சூனிய விஷயத்தில் நிறைய பதிலடி கொடுத்து ஓய்வாக இருந்த இலங்கையைச் சேர்ந்த ஸலபி ஒருவர் சூப்பர் முஸ்லிம் சேனலுக்கு பதில் கொடுக்க முனைந்ததன் விளைவாக அந்த சேனல் விண்முட்ட உயரத்தொடங்கியது. 

சூப்பர்மேன் லோகோவை மாற்றிவிட்டு கழுகுபறக்கும் லோகோவை வைத்து தான் உயரப்பரப்பதை உணர்த்த ஆரம்பித்தது சூப்பர் முஸ்லிம் சேனல். 

தற்போது சுமார் ஐம்பதினாயிரம் பயனாளர்களை நோக்கி வீறுநடை போடுகிறது. 

தனது குருநாதர் இம்ரான் ஹுஸைனின் பேச்சை டப்பிங் செய்து வெளியிடும் சூப்பர் முஸ்லிம் சேனல் குருநாதரின் சேனலை மிஞ்சிவிடுவதற்கு தமிழ்பேசும் ஏகத்துவ/ஸலபி முஸ்லிம்கள் பெரும்பங்காற்றுகின்றனர். 

தமிழ்பேசும் முஸ்லிம்களிடத்தில் பல அனாச்சாரங்களை இறக்குமதி செய்த உருது மொழி முஸ்லிம்களின் நவீன அனாச்சாரம்தான் 'சூப்பர் முஸ்லிம் யூடியூப் சேனல்'. 

அல்லாமா இக்பால்

மௌலானா மௌதூதி

இஸ்ரார் அஹ்மது

இம்ரான் ஹுஸைன் 

என உருது மொழியில் கிளப்பிவிடப்பட்ட குழப்பங்கள் சமீபத்தில்தான் தமிழில் சூப்பர் முஸ்லிம் மூலம் டப்பிங் ஆகியுள்ளன.

ஜெகபர் சாதிக் அவர்களின் பெயரால் பூரியான் பாத்திஹா ஓதப்படுவதைப்போல், இம்ரான் ஹுஸைன் பெயரில் "வீடியோ பாத்திஹா" ஓதுகிறது சூப்பர் முஸ்லிம் சேனல். 

இம்ரான் ஹுஸைனின் கருத்துக்களுக்கு "கத்தம் பாத்திஹா" ஓதிவிட்டால் சூப்பர் முஸ்லிம் சேனலின் கருத்துக்களுக்கும் முடிவுரை எழுதப்பட்டுவிடும். 

இம்ரான் ஹுஸைனுக்கு பல்வேறு தலைப்புகளில் கத்தம் பாத்திஹா ஓதுவோம். இன்ஷா அல்லாஹ்.

Part -8
https://piraimeeran.blogspot.com/2020/07/SM8.html?m=1